Kabeurangan
Koréjat Si Udin
hudang. Kagareuwahkeun ku sora anu brang-bréngbrong di dapur. Tina sela-sela
hordéng, kaciri di luar geus caang. Boa-boa kabeurangan. Rék kana jam Ben10 anu
ngadaplok dina témbok kamar. Gustiiii...geuning geus jam genep! Si Udin
tibuburanjat turun tina risbang, ngarawél anduk, deregdeg lumpat ka kamar
mandi. Pleng... Si Udin emut gara -gara peuting lalajo maén bal di
televisi nepi ka jam 12, jadi wéh saréna peuting
teuing. Tah éta nu matak isukna hudang
kabeurangan. Keurmah hudangna kabeurangan,
ditambahan kalatrak-kolétrak kumilarian
buku nu kudu dicandak ka sakola acan disiapkeun bari rusuh dangdan rék sakola,
nepi ka poho teu sasarap heula. Pedahal Mamah atos nyiapkeun rencang sangu anu
ngarareunah. Da kusabab rusuh sieun kabeurangan, haté
kuringtéh asa dag-dig-dug teu pararuguh. Berebet we kuringtéh lumpat langsung ka sakola. Barang datang ka
sakola panto gerbang geus ditutup. Deg deg deg deg deg... jadi asa beuki
lareuwas. Apal aya nu kabeurangan, satpam sakolatéh
langsung nyampeurkeun. Kuring langsung dibawa ka rohang PKS kesiswaan,
tuluy ditanya ku PKS kesiswaan. “Naha bet kabeurangan waé datang ka sakolaantéh?” Nya... kuringmah ngajawabna “tadi gugahna
kasiangan janten wéh sumping ka sakolaanna oge kasiangan”. Saeunggeus
ditanyaan, kuring dihukum mulungan runtah di pakarangan sakola. Ssshh
keurmah lega pakarangan sakolaantéh, loba pisan deuih
runtahna.
Pas
kuring keur mulungan runtah handapeun tangkal palem anu kékép,dipacok oray. Nya
kuring langsung ngagéréwék menta tulung ka saha waé nu aya didinya. Guru-guru
reuwaseun, tuluy kuring dibawa ka rumah sakit. Ibu guru langsung nelepon ka
Mmamahjeung ka Bapa. Teulami, Mamah jeung Bapa datang di rumah sakit. Mamah
jeung Bapatéh katingalina hariwangeun pisan ningali kuring di parios ku dokter.
Saeunggeus réngse di parios, Mamah jeung Bapa langsung narosan kumaha kaayaan
kuring ayeuna. Kuring langsung dipapatahan ku Bapa ameh henteu kabeurangan waé.
Tidak ada komentar:
Posting Komentar